Таварыства жывых паэтаў і паэтак

Гэты курс для вас, калі вы

Любіце паэзію і хочаце бачыць у ёй больш: кантэксты, сувязі, уплывы і схаваныя гісторыі
Хочаце лепш разумець беларускую паэзію і яе месца ў сусветнай літаратуры
Цікавіцеся літаратурай і хочаце бачыць за вершамі не толькі тэкст, але і эпоху, пераклады, містыфікацыі, музыку і асабістыя гісторыі аўтараў
Выкладаеце, пішаце ці працуеце з тэкстамі і шукаеце новыя прыклады, сюжэты, ракурсы і пункты гледжання
Хочаце правесці час з Андрэем Хадановічам і паглядзець на беларускую паэзію праз яго оптыку

Пасля курса

Вы будзеце глядзець на беларускую паэзію — і на сваю культуру — з гонарам і разуменнем, якіх раней не хапала.

Пра што гэты курс

Пра беларускую паэзію як частку сусветнай лірыкі
Пра сусветную культуру ў беларускай паэзіі
Пра творчыя ўплывы і «паралельныя» адкрыцці аўтараў і аўтарак
Пра пераемнасць і разрывы ў беларускім літаратурным працэсе
Пра мастацкі пераклад і тое, як ён уплывае на арыгінальную творчасць
Пра паэтычныя містыфікацыі, у якія паверылі — і часам вераць дагэтуль
Пра тое, як паэзія становіцца музыкай, а вершы — песнямі
Пра паэзію пратэсту, супраціву і салідарнасці

Дзесяць заняткаў

Кожны — пра беларускага аўтара ці аўтарку ў сусветным кантэксце.

1

Як сплятаўся «Вянок»?

Максім Багдановіч і папярэднікі: Шарль Бадлер, Поль Верлен ды іншыя

2

«Курганы шмат чаго нам гавораць»

Янка Купала і Уільям Батлер Ейтс

3

Фантомныя болі двух Міцкевічаў

Паэмы «Пан Тадэвуш» і «Новая зямля»

4

Нерасстраляныя паэмы

Беларускае і габрэйскае

5

Аркадзь Куляшоў — містыфікатар

Таемная гісторыя верша «Бывай» (і песні «Алеся»)

6

«Амплітуда смеласці»

Максім Танк, Рыгор Барадулін, Міхась Стральцоў

7

«Каардынаты быцця»

Паэтычныя адкрыцці Алеся Разанава

8

Беларусь — нацыя паэтак?

Жаночая лірыка ад Бандарынай да Бандурынай

9

Паэты і фронтмэны

Беларускія вершы, музыка і сцэна

10

«На беразе Волі»

Беларуская паэзія 20-х

Хто вядзе курс

Андрэй Хадановіч

Па меркаванні крытыкаў, паэзія Андрэя Хадановіча — прыкметная з'ява сучаснай беларускай літаратуры: багацце і разнастайнасць мовы, стылістычныя эксперыменты, спалучэнне «кніжнай» усходнееўрапейскай паэзіі з элементамі «нізавой» культуры.

Аўтар дзясяткаў кніг паэзіі і перакладаў, лаўрэат прэмій Наталлі Арсенневай, Карласа Шэрмана і Кнігі года, стваральнік і мадэратар «Перакладчыцкай Майстэрні», выкладчык у ЭГУ і ў Школе маладога пісьменніка, аўтар лекцыяў на ютуб-канале CHADANOVIČ.