Бясплатны лекторый
Адкрытая лекцыя перад курсам «Беларуская спадчына ў музеях свету».
Аляксей Ластоўскі · 10 чэрвеня 2026 · 1 гадзіна 36 хвілін
Падчас лекцыі гаворым пра тое, куды знікалі кляштарныя бібліятэкі і магнацкія калекцыі, ці сапраўды на беларускіх землях былі творы Рэмбранта і Дзюрэра, якія наступствы для спадчыны мелі войны ХХ стагоддзя і што сёння яшчэ можна вярнуць.
А яшчэ — спрабуем адказаць на вельмі практычнае пытанне: дзе сёння можна пабачыць беларускія скарбы ў музеях свету. Добрая магчымасць увайсці ў тэму, пазнаёміцца з падыходам лектара і зразумець, пра што будзе поўны курс.
Аляксей Ластоўскі — кандыдат сацыялагічных навук, акадэмічны дырэктар Беларускага інстытута публічнай гісторыі, афіліяваны даследчык IRES, Упсальскі ўніверсітэт. Музеязнаўца і вандроўнік, наведаў больш за 500 аб’ектаў сусветнай спадчыны UNESCO.
Пасля курса вы будзеце ведаць, у якіх музеях свету захоўваюцца беларускія скарбы і якімі шляхамі яны туды патрапілі, — і зможаце скласці ўласны маршрут па сусветнай беларускай спадчыне.
Калі лекцыя была вартай вашага часу, падзякуйце лектару данатам або падпішыцеся, каб не прапусціць наступныя.