Восеньскае раўнадзенства ў беларускім календары

Тры святы, пра якія ідзе гаворка

• Багач — свята заканчэння жніва каля 21 верасня: у гумно ці царкву неслі «багач» — сноп або гладышку з зернем са свечкай усярэдзіне, якую потым абносілі па вёсцы і пакідалі ў адной з хат на цэлы год.
• Узвіжанне (27 верасня) — свята пра ўзнясенне крыжа, пасля якога, паводле павер'яў, зямля «замыкаецца» на зіму, а змеі хаваюцца пад зямлю.
• Жаніцьба коміна — абрад першага восеньскага запальвання агню ў доме, які дагэтуль захоўваецца ў вёсцы Пагост на Століншчыне.

Лекцыя паказвае, як Багач з лакальнага вясковага свята ператварыўся ў заўважнае свята сучаснай гарадской культуры, і што яднае яго з дажынкамі і абрадамі пераносу свечкі паміж хатамі.

Хто расказвае

Алена Ляшкевіч — фалькларыстка, аўтарка курса LEPSH «Беларускі традыцыйны каляндар». Гэтая лекцыя — уводная да курса і магчымасць пазнаёміцца з падыходам лектаркі перад стартам 12 кастрычніка.

Запіс жывой размовы, па-беларуску, бясплатна.