Лікбез па БНР: як нараджалася беларуская дзяржаўнасць

У 53-хвіліннай лекцыі гісторык і папулярызатар Цімох Акудовіч складае падзеі канца XIX – пачатку XX стагоддзя ў зразумелую і паслядоўную гісторыю. Ад перапісу 1897 года, першых беларускіх палітычных гурткоў і «Нашай Нівы» – да Усебеларускага з’езда, трох Устаўных граматаў і абвяшчэння незалежнасці БНР.

Вы даведаецеся

• як фармаваўся беларускі нацыянальны рух;
• якую ролю адыгралі браты Луцкевічы, Вацлаў Іваноўскі, Вацлаў Ластоўскі ды іншыя дзеячы;
• як рэвалюцыі, Першая сусветная вайна і распад Расейскай імперыі змянілі лёс Беларусі;
• чым адрозніваліся тры Устаўныя граматы;
• чаму 25 сакавіка лічыцца днём нараджэння Беларусі як палітычнай з’явы;
• што паспела зрабіць Рада БНР і чаму была вымушаная пакінуць Беларусь.

Гэта лекцыя для тых, хто хоча не проста запомніць даты, а зразумець логіку падзеяў і людзей, якія ўпершыню паспрабавалі ператварыць Беларусь у незалежную дзяржаву.